«КТ Мобайл» ЖЧКнын баардык жетекчилиги өз ыктыяры менен кызматтан кетүү тууралуу арызын жазышты. Бул тууралуу Жогорку Кеңештин отурумунда «Кыргызтелеком» ААКнын төрагасынын милдетин аткаруучу Эмил Акматов билдирди.
Анын айтымында, алгач иштен кетүү тууралуу арызын директордун орун басары Эрназар уулу Иманкадыр тапшырган. Ага кол коюлду. Кийин отставкага кетүүнү башкы директор Нурбек Мукамбетов чечти.
«Анын арызын дагы канааттандырышты. ЖЧКнын баардык жетекчилиги болгон окуядан кийин иштен кетүүнү чечишти», -деди Эмил Акматов.