Жогорку Кеңеште жаңы коалиция түзүү сунушталды. Бул боюнча бүгүнкү жыйында депутат Исхак Масалиев билдирди.

Ал Кыргызстан социал демократтар партиясы оппозицияга кеткенден кийин фракция дагы кадам жасап, коалициядан чыгышы керектигин белгиледи.

«Андыктан биз жаңы коалиция түзүшүбүз керек», — деди ал.

Ага көпчүлүк коалициянын лидери Иса Өмүркулов фракциясынын коалицияда калышы мыйзамдарга каршы келбестигин айтты.

«Коалиция иштеп жатат. Ага киреби, чыгабы аны ар бир фракция өзү чече. Ооба, биздин партия фактически да, де -юре дагы экиге бөлүндү. Мамлекеттик саясатты колдогондор жана ага каршы партиялаштар бар. Партиянын бир бөлүгү оппозицияда, биз фракция коалицияда калабыз. Бул биздин чечим», — деди ал.