«Тек-Имаш» түрк компаниясы тарабынан курулуп жаткан жаңы Перинаталдык борбордун курулушу график боюнча жүрүүдө. Бул тууралуу Саламаттык сактоо министрлигинин басма сөз кызматы билдирди.
Маалыматка караганда, учурда иштин 35 пайызы аткарылды. 4 кабаттуу имараттын темир бетондуу каркасы тургузулуп, кирпич коюлду. Алдыда электр чубулгаларын орнотуу, ысык жана муздак суу менен жабдуу иштери башталды. Терезелердин кашектери менен айнектер орнотулууда.
Кошумчалай кетсек, аталган борбор Кыргызстандагы эл аралык стандарттарга жооп берген жана жаңы жабдыктар менен камсыздалган жай болот.