Кыргызстанда учурда 630 отун базасы ачылды. Бул былтыркыга салыштырмалуу 37ге көп. Мындай маалыматты КСДП фракциясынын отурумунда өндүрүш, энергетика жана тоо-кен байлыктарын пайдалануу боюнча комитеттин төрагасы Эмил Осмонбетов айтып чыкты.
Маалыматка караганда, 17-сентябрга карата бюджеттик мекемелер 63 миң тонна көмүр сатып алышты. Мындан тышкары Бишкек ЖЭБге 230 миң тоннадан ашуун көмүр жеткирилди.
Улуттук энергохолдингдин башчысы Азамат Абдыкадыровдун айтымында, 10-сентябрда 50 миң тонна Таш-Көмүр көмүрүн жеткирип берүү боюнча билдирүүлөр ачылды. Учурда документтер териштирилип жатат.
