Чүйдө мектептин директору окуучуну сабагандыгы үчүн иштен алынды
09:11, 21 сентября 2018, Бишкек - 24.kg
Акыйкатчы аппаратынын кызматкерлеринин демилгеси менен Кой-Таш айылындагы Сакан Бегматов атындагы орто мектептин директору, жашы жете элек өспүрүмдү сабагандыгы үчүн иштен алынды. Бул тууралуу акыйкатчынын басма сөз кызматы билдирди.
Маалым болгондой, айылдын жашоочусу ушул жылдын майында директор 6-класстын окуучусун мугалимдер менен окуучулардын көзүнө сабагандыгын айткан. Ата-энеси арыз менен Билим берүү министрлигине кайрылышкан. Аталган факт аныкталып, директор сөгүш алган.
Бирок, сабалган баланын энеси арыз жазып акыйкатчыга кайрылды. Натыйжада мектеп директору ээлеген кызматынан алынды.
