01:01
USD 69.25
EUR 81.03
RUB 1.03

Айтматовдун каармандары менен жолугушуу. Кинокербен Ысык-Көл, Нарын облустарында

«Кино жана өспүрүм» долбоору жазуучу Чыңгыз Айтматовдун чыгармаларынын негизинде тартылган тасмалардагы каармандар менен жолугушуу кинокербенин баштайт. Бул тууралуу аталган долбоордун жетекчиси Булан Бектеналиев 24.kg агенттигине билдирди.

Булан Бектеналиевдики
Фото Булан Бектеналиевдики. Насирет Дубашов, Бусурманкул Одуракаев, Нургазы Сыдыгалиев.

Айтымында, кинокербендин жүрүшүндө каармандар мектеп окуучулары, студенттер менен бетме-бет жолугушат. Буга чейин Кыргызстандын көпчүлүк аймактарында уюштурулган иш-чара эми Нарын жана Ысык-Көл облустарында өтмөкчү.

«3-класстан жогорку класстарга чейинки окуучулар катыша алышат. Иш-чара жазуучу Чыңгыз Айтматовдун 90 жылдыгына карата уюштурулууда», -деди долбоордун жетекчиси. Анын билдиргенине караганда, 20 миңдей жаштар кинокербендин катышуучусу болду. 

Булан Бектеналиевдики
Фото Булан Бектеналиевдики

Иш-чарага актерлор КР эмгек сиңирген артисти Бусурманкул Одуракаев, КР Эл артисти Чоро Думанаев, «Ак кемеде» баланын ролун жараткан Нургазы Сыдыгалиев жана «Жамиля» тасмасында Сейиттин ролун аткарган Насирет Дубашев катышат.

Булан Бектеналиевдики
Фото Булан Бектеналиевдики. Булан Бектеналиев, Нургазы Сыдыгалиев, Наталья Аринбасарова, Насирет Дубашов

Эң көп окулган жаңылыктар