17:23
USD 89.47
EUR 96.56
RUB 0.97

Башкы штаб токко урунуп колунан ажыраган жоокерди бир протез менен камсыз кылат

Башкы штаб токко урунуп, кесепетинен 2 колунан ажыраган жоокерди бир протез менен камсыз кылат. Бул тууралуу 24.kg агенттигине аталган ведомстводон билдиришти.
 
Маалыматка караганда, Башкы штаб жоокердин апасына материалдык жардам көрсөткөн. «Тергөө жүрүп жатат, эгерде аскер прокуратурасы кокустук деп жыйынтык чыгарса, анда ага компенсация төлөнөт», — дешти ведомстводон.
 

 «Кылым шамы» укук коргоо борборунун башчысы Азиза Абдирасулованын айтымында, Башкы штаб кореядан чыгарылган протезди сунуштап жатышат. Бирок, жабырлануучуга Германиядан чыгарылганы керек.

«Жабырлануучуга Германиядан жасалган протез алып берүү керек. Ал эки колунан тең ажырады. Башкы штаб компенсация маселесин чечип жатабыз дейт, бирок ал бир жолку эле жардам. Жоокер өмүр бою материалдык жардамга, дарыланууга жана турак жайга муктаж. Ага ким кам көрөт? Апасы дайыма эле анын жанында боло бербейт. Мамлекет ага кам көрө турган киши таап бериш керек», — деп эсептейт Азиза Абдирасулова.

Эске салсак, 19-августта № 30295 аскер бөлүгүнүн жоокери токко урунуп, кесепетинен эки колунан ажыраган. 

Эң көп окулган жаңылыктар