Казакстандын Астана шаарындагы бир көчөгө жазуучу Чыңгыз Айтматовдун ысымы ыйгарылды. Бул аземге Кыргызстандын премьер-министри Мухаммедкалый Абылгазиев жана казак премьери Бакытжан Сагинтаев катышты.
Астанадагы көчөгө Айтматовдун ысымы жазуучунун 90 жылдыгын белгилөө алкагында берилди.
Ушул күндөрү Астанада кыргыз-казак өкмөт аралык кеңешинин жыйыны өтүп жатат. Анда эки өлкө ортосундагы кызматташтыкты өнүктүрүү маселелери каралууда.
