Бишкектеги балдар бакчасына электрондук кезек аркылуу 1 миңден ашуун наристе кабыл алынды. Бул тууралуу Бишкек мэриясынын билим берүү башкармалыгынын башкы адиси Галина Безродняя билдирди.
Анын айтымында, маалымат күн сайын жаңыланууда. Апрелдин акырында 4 миңдей кезек күткөн жарандар болгон болсо, учурда алардын саны 9 миңден ашат.
«Балдарын бакчага бере турган ата-энелер сайтка катталуусу шарт. Алар онлайн режимде кезектерин карап турушат. Кезеги келгенде документтери менен бала бакчага барышат», —деди башкы адис.
