23:55
USD 68.81
EUR 80.45
RUB 1.04

Муратбек Тунгишбаев Казакстанга өткөрүлүп берилди

Казакстандык блогер Мурат Тунгишбаев Казакстанга өткөрүлүп берилди. Бул тууралуу Улуттук коопсуздук боюнча мамлекеттик комитеттин расмий өкүлү Рахат Сулайманов маалымдады.

Анын айтымында, казакстандык активист 26-июнда жөнөтүлдү.

Октябрь райондук сотунун чечимине ылайык, Жарандык жана кылмыш иштери боюнча укуктук жардам тууралуу Кишинев конвенциясынын, Кыргызстандын Кылмыш-процессуалдык кодексинин нормаларына ылайык, Казакстан өлкөсүнүн жараны Муратбек Тунгышбаев бул өлкөнүн укук коргоо органдарына өткөрүлүп берилди

Рахат Сулайманов

Мурат Тунгишбаевди Бишкек шаарындагы № 1 тергөө абагынан УКМКнын кызматкерлери алып кеткени тууралуу 26-июндун кечинде маалым болгон.

25-июнда Бишкектин Октябрь райондук соту казакстандык активист жана блогер Муратбек Тунгишбаевди экстрадициялоо боюнча Башкы прокуратуранын чечимин колдогон. Натыйжада аны Казакстанга экстрадициялоого жол ачылган.

Мурат Тунгишбаев казак бийлигинин өтүнүчү менен 10-майда Бишкекте кармалган. Астана аны бул өлкөдө тыюу салынган, бозгундагы оппозиционер Мухтар Аблязовдун «Казакстандын демократиялык тандоосу» кыймылын колдойт деп эсептейт.

Эң көп окулган жаңылыктар