Чычкан дарыясына түшүп кеткен автоунаанын эки жүргүнчүсүнүн жансыз денелери табылды. Бул тууралуу Өзгөчө кырдаалдар министрлиги маалымдайт.
Билдирүүгө ылайык, Жалал-Абад облусунун Токтогул районунда Хонда Степ үлгүсүндөгү унаанын айдоочусу рулду башкара албай Чычкан суусуна кулап кеткен.
Унаанын ичинде 8 жүргүнчүнүн алтоо Токтогул райондук ооруканасына жеткирилип, калган экөө изделип жаткан.
