«Ысык-Көл» Эл аралык аба майданы 21-июнда туристтик сезонду ачат. Бул жылкы сезонду Новосибирск каттамы ача турган болду. Орусиялык S7 авиакомпаниясы жуманын шаршемби жана ишемби күндөрү каттамдарды жүргүзүп турат.
22-июнда аталган аба майданга Оштон Tez Jet Airlines каттамы конот. Ош-Ысык-Көл-Ош каттамдары жумасына 3 жолу жүргүзүлмөкчү.
Ошол эле күнү «Өзбекстан аба жолдору» авиакомпаниясынын Ташкент шаарынан жүргүнчүлөрдү алып келүүсү күтүлүүдө. Аталган каттам шейшемби жана жума күндөрү жүргүзүлүп турат.
29-июнда Казакстандан каттамдар келе баштайт.
