10:45
USD 69.85
EUR 78.66
RUB 1.03

Аткезчилик боюнча кармалган Дамирбек Асылбек уулунун ордун Канат Бегалиев ээледи

Канат Бегалиев Кыргызстандын күрөш федерациясынын биринчи вице-президенти болуп дайындалды.Мындай чечим, 12-майда грек-рим күрөшү боюнча Кыргызстан чемпионатында кабыл алынды,- деп маалымдайт федерациядан.

Маалыматка ылайык, Канат Бегалиев Кыргызстандын күрөш федерациясынын мурдагы биринчи вице-президенти Дамирбек Асылбек уулунун ордуна келди. Ошондой эле федерациянын вице-президенти болуп Марат Назарбековдун ордуна Жалил Атамбаев дайындалды.

Эскерте кетсек, парламенттин мурдагы депутаты Дамирбек Асылбек уулу 16-февралда Казакстандын аймагында аткезчиликке шектелип кармалган. Ага каршы аткезчилик айыбы менен иш козголуп, камоого алынган. Дамирбек Асылбек уулунун кош жарандуулугу аныкталгандан кийин БШК аны депутаттык мандаттан ажыраткан.

Дамирбек Асылбек уулу 2015-жылы «Кыргызстан» партиясынан парламентке келген.

Эң көп окулган жаңылыктар