1-апрелден 3-апрелге чейин Кыргызстанда туруксуз аба-ырайы күтүлөт. Мезгил-мезгили менен жаан жаап, тоолуу аймактарда карга айланат. Кыргызстандын тоолуу райондорунда жолдор тайгак болуп, муз тоңот.
Чүй, Талас өрөөндөрүндө +3...+8°, күндүз +11...+16 жылуу, Ош, Жалал-Абад, Баткен облустарынын дыйканчылык аймактарында түнкүсүн +5...+10, күндүз +13...+18 жылуу болот.
Ысык-Көл ойдуңунда түнкүсүн 0...+5, күндүз +5...+10 жылуу болот.
Нарын облусунун дыйканчылык аймактарында түнкүсүн −1...-6 суук, күндүз +4...+9 жылуу, бийик тоолуу райондордо түнкүсүн −13...-18°, күндүз −2...-7° суук болушу күтүлөт.
