Бишкек-Ош унаа жолунда артиллериялык куралды колдонуп, кар көчкүсүн атайын атып түшүрүү иш-чаралары жүргүзүлүүдө. Бул тууралуу Өзгөчө кырдаалдар министрлиги маалымдайт.
Алардын маалыматында, Бишкек-Ош унаа жолунда коопсуздукту камсыздоо жана адамдардын өлүмүнө жол бербөө үчүн, 2018-жылдын 15-мартынан 21-мартына чейин кар көчкү коркунучу бар аймактарда артиллериялык куралды колдонуп, кар көчкүсүн атайын атып түшүрүү зарылдыгы келип чыккан.
Кечээ көчкү түшүрүү иштери токтотулуп, бүгүн кайра башталды.
