05:04
USD 68.90
EUR 80.95
RUB 1.04

Парламентте бош турган кызматтык үйлөрдү жетимдерге берүү сунушталды

Депутаттардан баш тарткан кызматтык батирлерди балдар үйлөрүнүн бүтүрүүчүлөрүнө өткөрүп берүү сунушталды. Бул тууралуу бүгүнкү отурумда депутат Гүлшат Асылбаева билдирди.

Анын айтымында, интернаттардын бүтүрүүчүлөрү жашы жеткенден кийин балдар үйүнөн чыгарылып, көчөдө калышат. Аларда каттоосу да, үйү да жок. Үй, жер тилкесин сатып алууга, же ипотека алууга дагы мүмкүнчүлүгү болбойт.

«Жогорку Кеңештин баардык фракциялары кызматтык батирден баш тарткан. Шаардын борборундагы кызматтык батирлерди эч ким колдонбойт. «Аламүдун-1» кичирайонундагы батир жети жылдан бери бош турат. Андан тышкары, шаардагы алты батирде дагы эч ким жашабайт. Ага карабай ЖК коммуналдык кызматтарын төлөп келет. Ошол батирлерди жетимдерге берели» — деди ал.

Депутат үйдү биротоло эмес, убактылуу колдонууга өткөрүп берүүнү сунуштайт.

Эң көп окулган жаңылыктар