14:55
+33
USD 68.67
EUR 80.55
RUB 1.16
Кыргызча

Чүй жана Бишкек шаарынын өспүрүмдөрү үчүн Ысык-Көлдө эмгек лагери уюштурулат

Чүй жана Бишкек шаарынын өспүрүмдөрү үчүн Ысык-Көлдө эмгек лагери уюштурулат. Бул тууралуу «24.kg» агентигине Жаштар эмгек биржасынын директору Азис Идрисов билдирди.

Анын айтымында, азыр даярдык иштери жүрүп жатат. 14 -18 курактагы өспүрүмдөр бактарда иштеп, өрүк, алма теришет. Жалпысынан 30 кишиден үч отряд түзүлөт. 

«Биз ал жакка бизге жумуш издеп кайрылган балдарды жөнөтөбүз.  Айлык акы ишине жараша болот. БИзге бирок иштен дагы, тарбиялык мааниси жогору. Балдар маданий иш чарларга катышып, кызыктуу кишилер менен жолугушат», — деди Азис Идрисов.

Алар атайын лагерлерге жайгаштырылып, эки жума бою көл жээгинде болушат. 

Эң көп окулган жаңылыктар