Бийлик журналист Улукбек Бабакуловдун коопсуздугун камсыз кылыш керек. Бул тууралуу Журналисттерди коргоо комитети(Committee to Protect Journalists) билдирди.
Эскерте кетсек, «Фергана» сайтынын редактору Улугбек Бабакуловдун айтымында, анын социалдык тармактагы улутчулдук боюнча макаласынан кийин коркутуп-үркүтүүлөр көбөйдү.
«Кыргызстандын бийлиги көз-карандысыз журналист Улукбек Бабакуловдун өмүрү үчүн жоопту. Анын оюн билдирүү жана жарыялоо укугу сакталышы керек» — дейт CPJ программасынын Европа жана Борбордук Азия боюнча координатору Нина Огнянова.
Комитет журналистке карата айтылган коркутуулар боюнча иликтөө жүргүзүп, парламент депутаттарынын Улукбек Бабакуловду жарандыктан ажыратуу сунушунан баш тартууну суранат.
«Фергана» агентигинин башкы редактору Даниил Кислов Бабакулдовдун коопсуздугуна коркуп жаткандыгын маалымдады.
«Өкмөттүк жана өкмөт көзөмөлдөгөн ЖМКлар тарабынан Улукбек Бабакуловго асылуулар күчөдү. Ага социалдык тармактан дагы коркутуулар болуп жатат» — дейт Даниил Кислов.
