Кыргызстанда балдарды мектепке электрондук каттоо жүрүүдө. Бул тууралуу Агартуу министрлигинен билдиришти.
Маалыматка ылайык, 1-апрель саат 10:00дөн 3-апрелге чейинки аралыкта «Мектеп» (1mektep.edu.gov.kg) автоматташтырылган маалыматтык системасы аркылуу 1-класска дээрлик 28 908 бала катталган.
Катталган балдардын аймактар боюнча бөлүштүрүлүшү:
- Бишкек шаары — 6211,
- Ош облусу — 5341,
- Жалал-Абад облусу — 4715,
- Чүй облусу — 3409,
- Баткен облусу — 3134,
- Ысык-Көл облусу — 2414,
- Нарын облусу — 1386,
- Ош шаары — 1007,
- Талас облусу — 964.
Быйыл республика боюнча 190 миңден ашуун квота каралган.
Белгилей кетсек, 1-апрелден тартып өлкө аймагында балдарды мектепке электрондук каттоо башталган. Биринчи этапта ата-энесинин (мыйзамдуу өкүлүнүн) тиешелүү мектептин микроучастогунда туруктуу каттоосу бар балдар кабыл алынууда.
