Жогорку Кеңештин бүгүн, 31-октябрдагы жалпы жыйынында депутат Медер Алиев парламентти эки палаталуу кылууну сунуштады.
Депутат тиешелүү мамлекеттик органдар чечип берүү үчүн жарандардын көйгөйлөрүн айтып турушкан күн тартибиндеги «Ар кандай маселелерди» кароо токтотулганына нааразы болду.
«Жакында биз ар кандай маселелерди жокко чыгарууну адат кылып алдык. Анда эки палаталуу парламент кылалы. Мыйзам чыгаруу палатасы мыйзам долбоорлору менен, ал эми өкүлчүлүк палата жарандардын маселелери менен алектенет», — деди Алиев.
Белгилей кетсек, бүгүн Жогорку Кеңеш Казакстан парламентинин депутаттарынын келишине байланыштуу күн тартибиндеги маселелердин тизмесин кыскартты.
