Бишкекте бүгүн, 4-октябрда «Жылдын мыкты мугалими -2024» республикалык сынагынын баш байгесин Ош мамлекеттик университетинин «Билим» мектеп-лицейинин математика мугалими Назгүл Каныбекова жеңип алды.Бул тууралуу Билим берүү жана илим министрлигинин басма сөз кызматы кабарлады.
Сынактын шарты боюнча 1-орунду алган мугалимге Бишкек шаарынан батирдин ачкычы тапшырылат.
Республикалык сынакка жалпысынан 128 мугалим катышты.
Төмөндөгү мугалимдер жеңүүчү деп табылды.
- Баш байге – “Жылдын мыкты мугалими” - Каныбекова Назгүл Каныбековна;
- Мыкты башталгыч класстардын мугалими - Балтабаева Гүлнур Маматовна;
- Мыкты кыргыз тили жана адабияты мугалими – Рыскелдиева Атыркүл Зарлыковна;
- Мыкты орус тили жана адабияты мугалими – Алмаз кызы Мээрим;
- Мыкты математика мугалими – Жумукова Бүбүайша Жусуповна;
- Мыкты тарых мугалими – Заидов Азирет Манасович;
- Мыкты чет тил мугалими – Калтаева Чолпон Иманбековна;
- Мыкты география мугалими – Марат уулу Нуристан;
- “Диндердин өнүгүү тарыхы” предмети боюнча мыкты мугалими – Көчкөнбаева Сайрагүл Амангелдиевна;
- Мыкты көркөм-сүрөт искусствосу мугалими – Байдалиев Мирзат Шаяхмедович.
Иш-чара Кара- Кыргыз автономиялуу облусунун түзүлгөндүгүнүн жана билим берүү системасынын 100 жылдык мааракесинин алкагында өттү.
