Чүй облусунда базар баасы 4 млрд 7 млн 77 миң сомду түзгөн 353,3 га өнөр жай багытындагы жерлер мамлекеттин балансына кайтарылды. Бул тууралуу Улуттук коопсуздук комитетинин басма сөз кызматынан кабарлашты.
Маалыматка ылайык, Чүй облусунун Кемин районундагы мурда мыйзамсыз менчиктештирилген мамлекеттик объектилерди аныктоо жана кайтаруу боюнча жүргүзүлүп жаткан иштердин алкагында, базар баасы 4 млрд 7 млн 77 миң сомду түзгөн 353,3 гектар өндүрүштүк жерлер аныкталып, мамлекеттин балансына Мамлекеттик мүлктү башкаруу боюнча мамлекеттик агенттигине кайтарылды.
Тиешелүү текшерүү иштеринин жүрүшүндө, ЖКнын турак-жай комплексинин мурдагы депутаты М.Н.К. аффилирленген компаниялар аркылуу мамлекеттик өнөр жай жерлерин жеке менчикке мыйзамсыз өткөрүп беришкен.
Белгилей кетсек, 24.kg басылмасынын өздүк булактары билдиргендей, сөз болуп жаткан мурдагы депутат Нурлан Макеев. Ал парламенттин алтынчы чакырылышынын депутаты болгон. Ал 2018-жылдын июнь айында каза болгон.
