Казакстандан Кыргызстанга мыйзамсыз ташылып келе жаткан 1,6 тонна кой эти артка кайтарылды. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, мыйзамсыз жүктү «Кең-Булуң» кыргыз-казак мамлекеттик чек арасынын ветеринардык көзөмөлдөө пунктунун инспекторлору кармашкан. Этти алып кирүүгө тийиштүү кагаздары жок болгондуктан кайра Казакстанга жөнөтүлдү.
Белгилей кетсек, учурда Казакстанда эттин баасы Бишкекке салыштырмалуу 35-40 сомго арзан.
