Мамлекеттик айыптоо акын Аскат Жетигенди сегиз жылга эркинен ажыратууну суранууда. Бул тууралуу укук коргоочу Гүлшайыр Абдирасулова Фейсбук баракчасына билдирди.
Иш-чара баш калаанын Свердлов райондук сотунда каралды. Бүгүн, 25-июнда өкүм чыгарылышы керек болчу, бирок Аскат Жетигендин акыркы сөзү менен соттук отурум 1-июлга жылдырылды.
Эске салсак, Аскат Жетигенге 2020-жылы март айында жасалган видео кайрылууга байланыштуу Кылмыш-жаза кодексинин 327-беренеси («Бийликти басып алууга чакырык жасоо») менен, быйыл 15-мартта жасаган видео кайрылуудан кийин 278-беренесинин 3-бөлүгү («Массалык башаламандыктарга чакыруу») менен козголгон.
