Балыкчыда катуу шамал көп кабаттуу үйдүн сыртын учуруп кетти

Балыкчы шаарында катуу шамал көп кабаттуу үйдүн жылуулаткыч темирлерин учуруп кетти. Бул тууралуу Өзгөчө кырдаалдар министрлиги билдирди.

Маалыматка ылайык, кечээ Балыкчы шаарында ылдамдыгы 24-28 метр секундасына чейин жеткен шамалдын кесепетинен Соң-Көл көчөсүндө жайгашкан көп кабаттуу үйлөрдүн биринин сырткы калайын учуруп кеткен. Жерине Балыкчы шаардык N19 өрткө каршы-куткаруу бөлүгүнөн ыкчам топ тартылып тактоо иштерин жүргүзүп, учурган калайды коопсуз жайга жылдырып беришкен.

Ошондой эле катуу шамалдан Жети-Ɵгүз районунун Жети-Ɵгүз айылындагы Д.Иманов атындагы орто мектебинин спорт залынын чатыры толугу менен ордунан 1 метр аралыка жылып кеткен. Жерине тактоо иштерине Жети-Өгүз райондук Өзгөчө кырдаалдар бөлүмүнөн ыкчам топ тартылган. Жабыркагандар жок