06:40
USD 87.96
EUR 95.21
RUB 0.97

ТИМ кыргызстандыктарды Жакынкы Чыгыш аймагына барбай турууга чакырды

Жакынкы Чыгыш аймагындагы курч кырдаалга байланыштуу Тышкы иштер министрлиги Кыргызстандын жарандарын ал жакка барбай турууга чакырды. Бул тууралуу мекеменин басма сөз кызматы билдирди.

Министрлик Израилге, Иранга, Сирияга, Иракка, Ливанга жана Палестина аймактарына баруудан баш тартууну сунуштайт.

Ошол эле учурда, жогоруда аталган өлкөлөрдө жүргөн жарандар кырдаал турукташканга чейин өз коопсуздуктары үчүн чараларды күчөтүүсү зарыл.

Бул өлкөлөрдөгү Кыргызстандын жарандары зарыл болгон учурда жардам же консультация алуу үчүн элчиликтердин шашылыш байланыш телефондоруна кайрыла алышат.

  • Кыргыз Республикасынын Түркия Республикасындагы Элчилиги: +905456896800;
  • Кыргыз Республикасынын Сауд Арабия Падышалыгындагы Элчилиги: +966583769945;
  • Кыргыз Республикасынын Иран Ислам Республикасындагы Элчилиги: +989352505226;
  • Кыргыз Республикасынын Кувейт Мамлекетиндеги Элчилиги: +96525359951.
Эң көп окулган жаңылыктар