Ата-энесинин же мыйзамдуу өкүлдөрүнүн камкордугусуз калган Кыргызстандын жашы жете элек беш жараны Москвадан Бишкекке алынып келинди. Бул тууралуу ИИМдин басма сөз кызматы билдирди.
Маалыматка ылайык, алар Москва шаарынын башкы башкармалыгынын жашы жете элек өспүрүмдөрдүн убактылуу кармоочу жайында болушкан.
Алар менен үй-бүлөдө жашоо жана тарбия шарттарын аныктоо боюнча иштер жүргүзүлүп, башка мамлекеттин аймагында жүрүү себептери такталды. Алдын алуу жана тарбиялоо иштери жүргүзүлгөндөн кийин балдар жакын туугандарына өткөрүлүп берилет.
