00:10
USD 89.12
EUR 94.98
RUB 0.95

«Бишкекжарык» ишканасынын кызматкерлерине кылмыш иши козголду

«Бишкекжарык» муниципалдык ишканасынын кызматкерлери товардык-материалдык баалуулуктарды жок кылууга шектелүүдө. Бул тууралуу Башкы прокуратура билдирди

Маалыматка ылайык, аталган мекемеде текшерүү жүргүзүлдү.

Текшерүүдө 2022-жылдын октябрь айынан 2023-жылдын апрель айына чейинки мөөнөттө Бишкек шаарынын тышкы жарык берүү тармагынын ишин камсыз кылуу максатында даяр буюмдарды жасоо жана ордуларына орнотууга багытталган 4 миллион 323 миң 450 сомдук товардык-материалдык баалуулуктар аталган мекеменин кампасынан жок кылынгандыгы аныкталган.

Бул факты боюнча шаардык прокуратура тарабынан Кылмыш-жаза кодексинин 337-беренеси (Кызмат абалынан кыянаттык менен пайдалануу) жана 210-беренеси (Ишенип берилген мүлктү ыйгарып алуу же коротуу) менен кылмыш иши козголду.

Учурда тергөө амалдары жүргүзүлүүдө.

Эң көп окулган жаңылыктар
16-апрель, шейшемби