«Достук» өткөрүү пунктунан Кыргызстандан Өзбекстанга бараткан жети унаа кармалды. Бул тууралуу УКМКнын басма сөз кызматы билдирди.
Мекеменин маалыматына ылайык, «Достук» алдын ала бажылык жол-жоболоштуруу жайынын бейтарап аймагында автоунаалардын айдоочулары жасалма мамлекеттик номурлар орнотуп, жасалма каттоо күбөлүктөрүн даярдашып, Өзбекстанга транзиттик унаа катары эмес, буга чейин бажы төлөмдөрүн төлөгөн жана Кыргызстанда катталган унаа катары барууну пландаштырышкан.
Учурда Кыргыздын автотранспорт каражаттарын каттоонун жасалма күбөлүктөрүн жана мамлекеттик номурларын даярдоонун жагдайларын аныктоо боюнча ыкчам-иликтөө иш-чаралары жүргүзүлүп, тиешелүү экспертизалар дайындалды.
