06:06
USD 89.43
EUR 96.57
RUB 0.97

Кыргызстан балдардын рак оорусуна каршы күрөшүү боюнча демилгеге кошулду

Кыргызстан балдардын рак оорусуна каршы күрөшүү боюнча глобалдык демилгеге кошулду. Бул тууралуу Саламаттык сактоо министрлигинин басма сөз кызматы билдирди.

Маалыматка ылайык, Эне жана баланы коргоо улуттук борбору өлкөнүн фокустук саламаттык уюму катары тандалып алынып, эл аралык Global Initiative for Childhood Cancer — Балдар онкологиясы менен күрөшүү глобалдык демилге программасына кирди.

«Бул программа Кыргызстанга балдардын рак оорусун диагностикалоонун жана дарылоонун сапатын жогорулатууга мүмкүндүк берет. Арзан жана керектүү дары-дармектерге жана технологияларга жеткиликтүүлүк, онкологиялык ооруга чалдыккан балдардын үй-бүлөлөрүн социалдык колдоо жакшырат», — деп билдирди мекеме.

Демилге 2030-жылга чейин балдардын рак оорусунан сактануу деңгээлин кеминде 60 пайызга чейин жогорулатууга багытталган.

«Балдардын рак оорусуна каршы күрөшүү боюнча Глобалдык демилге» башталгандан беш жыл өткөндөн кийин ДССУнун алты аймагындагы 70тен ашык өлкө, балким, күчтүү саясий эрк, көп сектордук милдеттенмелер жана стратегиялык инвестициялардын аркасында кирешеси төмөн жана орто өлкөлөрдө рак менен ооруган балдарга кам көрүү жакшырганын көрсөтүштү», — деп белгиледи министрлик.

Мекеменин маалыматына караганда, балдардын рак оорусу — олуттуу жана актуалдуу коомдук саламаттык сактоо көйгөйү. «Оорулардын глобалдык жүгүн» изилдөөгө ылайык, бул дүйнөдөгү балдардын оорусунун тогузунчу негизги себеби. Рак оорусуна чалдыккан балдардын дээрлик 80 пайызы аз жана орто кирешелүү өлкөлөрдө жашашат, бул жерде дарылоо көп учурда жеткиликтүү эмес, бул БУУнун Башкы Ассамблеясын балдардын рак оорусуна каршы күрөшүү боюнча глобалдык демилгесин ишке киргизүүгө негиз болду.

«2023-жылдын 21-августунан 25-августуна чейин Бишкекте Бүткүл дүйнөлүк саламаттык сактоо уюмунун Кыргызстанда онкологиялык ооруларды көзөмөлдөөнү жакшыртуу боюнча миссиясы өткөн. ДССУнун миссиясы Кыргызстанга жогорку квалификациялуу онкологиялык жардам көрсөтүүдө орун алган көйгөйлөрдү аныктоо жана алынган маалыматтардын, аларды талдоонун негизинде рак ооруларын эрте аныктоо жана дарылоо, паллиативдик жардам көрсөтүү жана онкологиялык оорудан аман калган адамдарга колдоо көрсөтүү боюнча иш-чараларды пландаштырууга, ишке ашырууга мүмкүндүк берүүчү стандарттарды, методдорду иштеп чыгууга жардам берүү жана өлкөгө бул көйгөйлөрдү чечүүнүн оптималдуу жолдорун иштеп чыгуу жана сунуш кылуу үчүн жөнөтүлгөн», — деп жыйынтыктады мекеме.

Эң көп окулган жаңылыктар
21-февраль, шаршемби