Жалал-Абад шаардагы № 8 орто мектептин короосунда эки окуучунун ортосунда жаңжал чыгып, 14 жаштагы бала бычактан жараат алды. Бул тууралуу Жалал-Абад облустук ички иштер башкармалыгынын басма сөз кызматы билдирди.
Окуя кечээ 12:00 чамасында катталган. № 1 орто мектептин 9-классынын окуучусу эч себепсиз сол бутуна учтуу нерсе менен сайып жиберген.
Натыйжада жабырлануучу Х.Г. Жалал-Абад облустук балдар клиникасына кайрылып, жардам алгандан кийин үйүнө жиберилген.
Маалыматта белгиленгендей, жараат алган баланын ата-энеси эч кимге доосу жок экендигин билдирип, арыз жазуудан баш тартышкан. Анын себеби өз ара келишип алуу деп кошумчаланды.
