Жалал-Абад шаарындагы № 1 Бабкин атындагы орто мектебинин 375 орундуу жаңы корпусунун ачылыш аземи болду. Бул тууралуу министрлер кабинетинин басма сөз кызматы билдирди.
Иш-чарага катышкан Акылбек Жапаров быйыл 130га жакын мектеп курулуп, анын ичинен Жалал-Абад облусунда эле 28 мектеп пайдаланууга берилгенин билдирди.
«Президентибиздин тапшырмасы менен биз быйыл Жалал-Абад шаарына 2 миллиард сом бердик. Мага алып келген пландагы курулуштар 90-100 пайыз бүтүү процессине келди. Шаардын ондогон көчөлөрү асфальтталды, жарыктар коюлду, тротуарлар, веложолдор, жол жээгиндеги арыктар жасалды. Шаарга 112 миллион сомдук асфальт-бетон заводу курулду. Эми шаар ичи-сырты толугу менен асфальтталат» — деди Акылбек Жапаров.
Маалыматта белгиленгендей, мектептин кошумча имаратын куруу үчүн мамлекеттик бюджеттен 59 миллион 308 миң сом сарпталган.
