Мэр 2024-жылдын биринчи кварталында Бишкектеги тыгын маселесин чечпесе, иштен алынат. Бул тууралуу министрлер кабинетинин төрагасы Акылбек Жапаров Жогорку Кеңештин жыйынында билдирди.
Анын айтымында, Генералдык планда темир жолду борбордун сыртына чыгаруу каралган.
«Мындан тышкары, биз темир жол айрыгын кеңейтишибиз керек. Биз бул үчун муниципалитетке керектүү сумманы бөлүп берүүгө даярбыз», — деди ал.
Эске салсак, Айбек Жунушалиев 31-октябрда Бишкектин мэри болуп дайындалды. Ал буга чейин 2021-жылдын 26-августунан 2022-жылдын 24-февралына чейин шаардын мэри кызматын аркалаган.
