Бүгүн борбор калаанын айрым райондорунда муздак суу өчүрүлөт. Бул тууралуу «Бишкексууканал» мекемесинен билдиришти.
Маалымат боюнча, бул «Запад-2» суу алгычтарындагы жана шаардагы таза суу түтүктөрүндөгү оңдоо-профилактикалык иштерине байланыштуу.
Саат 9:00дөн 21:00гө чейин төмөнкү аймактарда муздак суу болбойт:
- Ала-Арча дарыясы, темир жол, Жаш Гвардия бульвары жана Жибек-Жолу проспектиси менен чектелген аймакта;
- Жаш Гвардия бульвары, темир жол, Манас проспектиси жана Фрунзе көчөсү аймагында;
- Ала-Арча дарыясы, Чүй жана Дэн Сяопин проспектилеринде, Осташковская, Димитров, Москва жана Асаналиев көчөлөрүндө;
«Бишкексууканал» келтирилген ыңгайсыздыктар үчүн кечирим сурайт жана ичүүчү сууну алдын ала камдап алууну суранат.
