Эми Кыргызстандын жарандары өз унааларын онлайн режимде «Түндүк» мобилдик тиркемеси аркылуу кайра каттай алышат. Бул тууралуу Санариптик өнүктүрүү министрлиги билдирди.
Унааларды онлайн режиминде кайра каттоо үчүн төмөнкүлөр керек:
- «Түндүк» тиркемесине катталуу;
- Никеси бар болсо, унааны сатууга макулдук берүү үчүн жубайын/жолдошун «Түндүк» мобилдик тиркемесине каттатуу;
- «Унаа» мамлекеттик мекемесинин бөлүмдөрүндө автоунааны текшерүүдөн өткөрүү (текшерүүнүн мөөнөтү 30 күн);
- транспорт салыгын төлөгөндүгү тууралуу квитанция.
«Пилоттук долбоор бир жылга башталды. Онлайн кайра каттоо ийгиликтүү ишке ашырылса, система туруктуу негизде иштей баштайт. Маанилүү: онлайн кайра каттоо айып пулдар, туумдар, салыктар боюнча карызы жок болгон учурда, ошондой эле жол эрежесин бузгандыгы үчүн менчик ээлерине берилген айыптар жок болгон учурда жеткиликтүү», — деп айтылат маалыматта.
