02:40
USD 89.40
EUR 96.65
RUB 0.98

Абдрахманов/Байтик Баатыр көчөсүндө коомдук транспорт үчүн жол тилкеси бөлүндү

Бишкектин мэриясы Абдрахманов/Байтик Баатыр көчөсүндө коомдук транспорт үчүн жол тилкесин бөлүп, аны иретке келтирип жатат. Вице-мэрдин милдетин аткаруучу Максатбек Сазыкулов 24.kg агенттигине ал качан ишке кирерин айтып берди.

Анын айтымында, сызык толук чийилип бүтө элек. Бөкөнбаев көчөсүнөн Жумабек көчөсүнө чейинки бөлүгү калды.

«Аба ырайы жакшы болгондо иштер улантылат. Биз тиешелүү жол белгилерине буйрутма берип койдук. Алар коюлгандан кийин жол тилкеси иштей баштайт. Биз бул же кийинки жума деп пландаштырып жатабыз», — деди Максатбек Сазыкулов.

Анын айтымында, Жибек-Жолу проспектиси менен Ахунбаев көчөсүндө дагы коомдук транспорт үчүн тилке бөлүнөт.

Эң көп окулган жаңылыктар