13:23
USD 89.41
EUR 96.91
RUB 0.97

Депутат балдарын карабаган чиновниктерди жумуштан кетирүүнү сунуштады

Жогорку Кеңештин депутаты Дастан Бекешев балдарын карабаган чиновниктерди кызматтан алууну сунуштоодо. Бул тууралуу ал парламенттин жыйынында билдирди.

Эл өкүлдөрү биринчи окууда Тазабек Икрамовдун мыйзам долбоорун карап жатышат. Анда ата-энесин карабай, карылар үйүнө таштап койгон учурда балдарына 100 миң сомго чейин айып пул салуу же бир жылдан эки жылга чейин эркинен ажыратуу каралган. Демилгечи ошондой эле ата-энесин карабагандарды мамлекеттик кызматка албоону сунуштоодо.

Мындан тышкары, Дастан Бекешев балдарын кароосуз калтырган мамлекеттик кызматкерлерге карата жазаны күчөтүүнү сунуштады.

«Балдарын гана эмес, ата-энесин да карабагандарды мамлекеттик кызматтан бошотуу керек. Балдарды таштабаш керек», — деди депутат.

Эң көп окулган жаңылыктар