УКМК төрагасы Камчыбек Ташиев Душанбе шаарына барып келди. Бул тууралуу Nazar News.kg кабарлайт.
Маалымат баракчасы өз ишенимдүү булактарына таянып, Ташиев Тажикстандын мамлекет башчысы Эмомали Рахмон менен жолугушуп, анда эки өлкө ортосундагы чыңалуу жараткан бардык маселелер талкууга алынган билдирет.
«Сүйлөшүүлөр өтө оор маанайда өткөнүнө карабастан, Ташиев менен Рахмон бир пикирге келишкен, бардык маселелер боюнча макулдашууга жетишишти. Ошол эле баарыбыздын көкөйүбүзгө көк таштай тийген чек ара маселесине да буюрса чекит коюла турган болду», — дейт Nazar News.kg.
УКМК Камчыбек Ташиев Тажикстанга иш сапары боюнча маалымат бере элек.
