22:08
USD 89.43
EUR 96.69
RUB 0.97

Режеп Эрдоган Кыргызстандын куткаруучуларын сыйлады

Түркиянын президенти Режеп Тайип Эрдоган Кыргызстандын Өзгөчө кырдаалдар министрлигинин улук лейтенанты Темирлан Жумамүдүновго Түркия Республикасынын «Адамдарды куткаруудагы эрдиги жана жан аябастыгы үчүн» жогорку даражадагы мамлекеттик медалын тапшырды. Бул тууралуу Өзгөчө кырдаалдар министрлиги билдирди.
 
Жер титирөөнүн кесепетин жоюуга жардам бергендерди сыйлоо аземинде элчи Руслан Казакпаевге Ардак грамота тапшырылды. Кечеге министр Бообек Ажикеев жана министрдин биринчи орун басары Азамат Мамбетов катышты.
 
Белгилей кетсек, кыргызстандык куткаруучулар Түркиянын Кахранманмараш жана Хатай шаарларында издөө-куткаруу иштерин ийгиликтүү жүргүзүп, натыйжада урандылардын арасынан 8 адам куткарылып, каза болгон 198 адамдын сөөгү чыгарылган.
 
Мындан тышкары, Кыргызстан жабыркагандарга алгачкы медициналык жардам көрсөтүү үчүн талаа ооруканасын, ошондой эле Кахранманмараш шаарында боз үй шаарчасын тапшырган
Эң көп окулган жаңылыктар
29-февраль, бейшемби