Парижде Кыргызстандын маданий борбору ачылды. Бул тууралуу Тышкы иштер министрлигинин маалымат кызматы билдирди.
Кыргызстандын Франциядагы элчигинин колдоосу менен маданий борбор түзүлдү.
«Маданий борбор кыргыз диаспорасынын өкүлдөрүнүн ортосунда тажрыйба, ой-пикир алмашуусун координациялоо, тематикалык жолугушууларды уюштуруу иштерин жүргүзөт», — дейт ТИМ.
Элчи Садык Шер-Нияздын айтымында, борбор кыргыз маданиятын Францияга таанытууга, өлкөнүн бай тарыхына, искусствосуна кызыгуу артырууга жол ачат.
