«Бишкексууканал» өндүрүштүк-эксплуатациялык башкармалыгынын маалыматына ылайык, 10-ноябрда саат 9:00дөн 18:00гө чейин «Ак-Жар», «Ак-Бата» жана «Келечек» конуштарына таза суу берүү токтотулат. Бул тууралуу мэриянын басма сө кызматы билдирди.
Маалыматка ылайык, «Ак-Жар», «Ак-Бата» суу алгычтарында жана шаардын суу түтүктөрүндө оңдоо иштерин жүргүзүү пландаштырылууда.
Борбор калаанын мэриясы келтирилген ыңгайсыздыктар үчүн кечирим сурайт жана мекеме-уюмдарды жана калкты ичүүчү сууну алдын ала камдап алууларын суранат.
