Кыргызстан мусулмандарынын дин башкармалыгы мечиттерде зордук-зомбулукка каршы баяндамаларды өткөрөт.
Муфтияттан билдиришкендей, өлкө аймагындагы мечиттерде бешим жана шам намазынан кийин балдардын тарбиясы, ыйман жана адеп-ахлак, зынаанын шарияттагы орду, адам өмүрүнө кол салуунун кесепети, өспүрүмдөргө карата зордук-зомбулуктардын алдын алуу жаатында баяндамалар жасалмакчы.
КМДБ Аль-Бакара (156) сүрөөсүн келтирет, анда мындай деп айтылат: «Чындыгында, биз Аллахка таандыкпыз жана Ага кайтуучубуз»
Кыргызстан мусулмандардын дин башкармалыгынын эмгек жамааты Кадамжайда өлтүрүлгөн кыздын ата-энесине жана тууган-уруктарына терең кайгыруу менен көңүл айтат.
Эскерте кетсек, Баткендин Кадамжай районунда 14 жаштагы кыз мыкаачылык менен өлтүрүлгөн. Кылмышка шектелип аталган райондун үч тургуну кармалган.
