Казакстан өлкө аймагына кирүүдө милдеттүү түрдө ПЧР-тест же эмдөө сертификатын көрсөтүү талабын жойду. Бул тууралуу коронавирустун тарашына жол бербөө боюнча мекемелер аралык комиссия билдирди.
Маалыматка караганда, 8-июндан баштап казак жарандары менен чет өлкөлүктөрдөн ПЧР-тест жана эмдөө жөнүндө сертификат талап кылынбайт.
Бул чечим вице-премьер Ералы Тугжановдун катышуусунда өткөн жыйын учурунда кабыл алынган.
Бул арада Казакстан убактылуу иштебей турган автоунаа өтүүчү 12 чек ара бекетинин ишине киргизилген чектөөлөрдү да алды.
