Декабрда кыргыз-өзбек чек арасындагы эки көзөмөл-өткөрмө бекет убактылуу жабылат
09:45, 26 ноября 2021, Бишкек - 24.kg
Кыргыз-өзбек чек арасындагы «Өзбекстан-Автодорожный» жана «Кызыл-Кыя-Автодорожный» көзөмөл-өткөрмө бекеттери 1-3-декабрь аралыгында жабылат. Бул тууралуу Мамлекеттик чек ара кызматы билдирди.
Маалыматка караганда, эки көзөмөл-өткөрмө бекет жол ондоо жана асфальт төшөө иштерине байланыштуу жабылат.
Бул убакыт аралыгында товар жана транспорт каражаттары «Достук-автодорожный» көзөмөл-өткөрмө бекети аркылуу өткөрүлөт.
Чек ара кызматы билдиргендей, 4-декабрдан тартып «Кызыл-Кыя-Автодорожный» жана «Өзбекстан-Автодорожный» жолдору штаттык режимде иштеп баштайт.
