Бишкек шаарынын мэриясынын 2021-жылдын 4-октябрындагы буйругуна ылайык, борбордо жылытуу мезгили 5-октябрга караган түнү башталган.
Гидрометеорологиялык борбордун маалыматы боюнча, 3-октябрдан кийинки мезгилде абанын температурасынын төмөндөшү байкалууда, ал акыркы күндөрдө +8 ℃ дан төмөн эмес. Жылытуу мезгилинин башталышы абанын орточо температурасы 5 күн катары менен +8 ℃ дан төмөндөгөндө аныкталат.
«Бишкекжылуулукэнерго» коммуналдык ишканасы буга чейин медициналык мекемелерди, бала бакчаларды жана мектептерди жылытуу системасына кошууну жыйынтыктады. Жылуулук 620 үйдөн 515 турак үйгө, 8 жогорку окуу жайдын 5не берилди. «Бишкекжылуулукэнерго» коммуналдык ишканасынын бардык абоненттери 7-октябрдын кечине чейин жылуулук менен камсыз болушат.
«Бишкекжылуулуктармагы» ААКтан маалыматы боюнча, 6-октябрда 1 миң 348 турак жай, 38 медициналык мекеме, 57 мектепке чейинки мекемелер борбордук жылытуу системасына кошулган. Жалпысынан, компаниянын абоненттеринин 67пайызы борбордук жылытуу системасына кошулду.
