Бүгүн, 19-февралда Бишкекте шаардын борборундагы турак жайларга жылуулук жана ысык суу берүү убактылуу өчүрүлдү. Бул тууралуу мэриянын басма сөз кызматы билдирди.
Саат 9:00дөн 18:00гө чейин Абдрахманов көчөсүндөгү No97 жана Түгөлбай Ата көчөсү, 39 дарегиндеги турак үйлөрдүн жер төлөлөрүндөгү мөөнөтүнөн ашып кеткен түтүктөрдү пландуу алмаштыруу иштерине байланыштуу жылуулук жана ысык суу берүү убактылуу өчүрүлдү.
Чектөө төмөнкү даректерге таасирин тийгизет:
Абдрахманов көчөсү, 97, 99, 101;
Үсөнбаев көчөсү, 24;
Бөкөнбаев көчөсү, 76, 78;
Түгөлбай Ата көчөсү, 39.
Оңдоо иштери кышында да уланып, иш план боюнча жүрүп жатканы айтылды. Бул жылуулук тармагы 1986-жылы ишке киргизилип, өзүнүн стандарттык мөөнөтүн аткарып бүткөн.
