Тилек Токтогазиев «Ата-Мекен» партиясына мүчө болду. Бул тууралуу ал өзү билдирди.
«Адамдын диктатурасын жок кылып, Мыйзамдын диктатурасын орнотобуз!», — дейт ал.
Бүгүн партиянын жаңы мүчөсүнө билети салтанаттуу тапшырылды.
«Акыркы жарым жылда Кыргызстанда чоң саясий окуялар болду. Тилек Токтогазиев ошол окуяларда алдыңкы линияда жүрдү. Октябрь революциясынын лидерлдеринин бири болду. Ок да жеди, таш да жеди, ɵлүм менен ɵмүрдүн ортосунда болду. Ɵкмɵт мүчɵсү — Айыл чарба министри болду. Тɵɵ да минди, жɵɵ да жүрдү, бышты. Эми «Ата Мекен» партиясы менен ɵзүнүн саясий келечегин байлады. Бул символикалык кɵрүнүш. Партия жаш лидерлердин жаңы генерациясы менен толукталууда», — деп билдирди «Ата-Мекен».
