01:50
USD 84.56
EUR 99.59
RUB 1.15

Жол оңдоо. Бишкектеги Месарош көчөсүнүн бөлүгү жабылат

Бишкек шаарынын мэриясынын капиталдык курулуш башкармалыгынын маалыматы боюнча, 19-июндан баштап Месарош көчөсү Ден-Сяопин проспектисинен Жамгырчинов көчөсүнө чейинки бөлүгү оңдоо үчүн жабылат.

Оңдолуучу бөлүктүн узундугу 600 метрди түзөт. Оңдоп-түзөөдөн кийин унаа жолунун туурасы 11,5 метрди түзүп, сугат арыктары орнотулуп, 1,5 — 2,25 метрлик тротуар төшөлөт.

Оңдоо иштерин ушул жылдын сентябрь айынын аягына чейин бүтүрүү пландалууда.

Чеч-Төбө жана Селсовет көчөлөрүн альтернативалык каттам катары кароого болот.

Бишкек шаарынын мэриясы келтирилген ыңгайсыздыктар үчүн кечирим сурайт жана айдоочулардан алдын ала жол тандап алууларына суранат.

Эң көп окулган жаңылыктар