07:52
USD 84.80
EUR 102.10
RUB 1.14

Токмокто өзүнө кол салуу уюштурган аял кармалды

Токмокто жолдошу жиберген $5 миң коротуп салганы үчүн коркуп, өзүнө кол салуу уюштурган аял кармалды. Бул тууралуу Чүй облустук ИИББден билдиришти.

2020-жылдын 29-декабрында 42 жаштагы Э.Г. аттуу аялдан арыз түшкөн. Анын айтымында, үйүнө бет кап кийген белгисиз эки киши кирип келип сабап, беш миң долларын алып кеткен.

Факты боюнча кылмыш иши козголгон. Тергөө учурунда аял мындай сценарийди мурдагы жолдошу менен ишке ашырганы аныкталган. Тартип сакчылар 42 жаштагы Э.Г. менен 39 жаштагы С.О. деген шектүүлөрдү милициянын бөлүмүнө жеткиргенден кийин алар күнөөсүн мойнуна алышкан.

«Аял жолдошу чет өлкөдөн жиберген акчасын коротуп салгандыктан коркуп ушундай кадамга барганы белгилүү болду», — дешти милициядан.

Учурда тергөө амалдары уланып жатат.

Эң көп окулган жаңылыктар