08:05
USD 84.79
EUR 101.97
RUB 1.11

Мирзиёев калкты коронавируска каршы жапырт эмдөөнү баштоону тапшырды

Өзбекстан президенти Шавкат Миризиёев 10-февралда өткөн видеоселектордук жыйын учурунда калкты коронавируска каршы жапырт эмдөөнү баштоону тапшырды.

Жергиликтүү басылмалардын маалыматына караганда, Мирзиёев бир ай аралыгында эмдөөдөн өтө турган калктын электрондук тизмесин түзүүгө буйрук берди. Азырынча Өзбекстанга вакцина кайсы өлкөдөн жана канча даана келери белгисиз.

Коомдук саламаттык жана санитардык-эпидемиологиялык кызматтын башчысынын орун басары Ботыр Курбанов коронавируска каршы вакцина быйыл март айында келерин айтты. Биринчи кезекте жашы 85ен жогору, андан кийин 75-84, кийинки этапта 65-75 жаштагылар эмдөөдөн өтүшөт.

Аткаминер 2021-жылдын аягына чейин эмдөө 7 миллион кишиге же калктын 20% жасаларын кошумчалады.

Өзбекстанда учурда кытайлык ZF2001 вакцинасынын клиникалык сыноосунун 3-фазасы өткөрүлүп жатат.

Эң көп окулган жаңылыктар